मूल्य : १९९

बिधा : कविता

नौलो कोरियोग्राफिमा वाचाल कविताहरू

कवि प्रसन्न घिमिरेका “र निःशब्द”भित्रका कवितामा प्रशस्त आवेगहरू छन् । कविताका हरफहरूमा प्रशस्त पीडाका अवशेषहरू पनि अनुभूत हुन्छ । धेरै तरंगीत छ कविको मन । उकुसमुकुस भाव र विचारहरूलाई कवि प्रसन्नले निकै फरक शैलीबाट बोली दिएका छन् । कवि प्रसन्न सजिलो कवि लागेन मलाई । सरल र सहज हुनुपर्छ भन्ने चलेको ब्याकरणीय भनाईको विपरित उभिन दुस्साहस गर्ने कवि हुन् उनी तर धेरै किलिष्ट र अमूर्त पनि होइनन् । उनी अर्ध अमूर्त कवि हुन् र उनका कविताको रस लिन कम्तिमा दुई पटक पढनै पर्छ । कवितालाई गंभिरतापूर्बक लिने कविको छोटो लाममा कवि प्रसन्न घिमिरे पनि उभिन आइपुगेको छ, यस कविता सङ्ग्रहको प्रकाशन मार्फत । कवितामा प्रयुक्त भाव, बिचार, विम्ब, प्रतिक र विषयहरको सचेत प्रयोग र बिचारहरूका संगठनको सन्दर्भमा परिमार्जनलाई प्रशस्त स्थान छ ।

रोशन सेरचन